Shanghai Masters champion Medvedev

Daniil Medvedev chuan nimin khan Alexander Zverev hnehin Shanghai Masters-ah a champion. Russian tlangval hian darkar khat leh minute 13 chhung lekin 6-4, 6-1 in hnehna a chang.

Center Court-a inkhelah Medvedev a che ṭha hle, a service vawi khat hloh ve mah se a khingpui hi vawi li ngawt a chhuhsak. Inkhel tir aṭanga a tawp thlengin a chungnung a, set hnuhnung zawkah phei chuan game khat chaih a hloh.

Kum 23 mi Medvedev hi tun hnai tennis player beiseiawm berte zinga mi a ni, amah khing thei tur kum 22 mi Zverev a hneh hi nakin zel atan a pawimawh thei ang. Tun inelnaah hian world number 1 Novak Djokovic hnehtu kum 21 mi Stefanos Tsitsipas chu semifinal-ah a ngam bawk.

Tun hnaia Medvedev hmasawnna

    08 January 2017    Chennai-ah a vawi khat nan ATP Tour Final a khel.

    25 October 2017    Next Gen ATP Finals atan a tling.

    13 January 2018    Sydney-ah a vawi khat nan ATP Tour title a la.

    19 April 2019    Monte Carlo-ah a vawi khat nan world number 1 

a hneh, Novak Djokovic a hneh a ni.

    11 August 2019    Montreal-ah a vawi khat nan ATP Masters 1000 Final a lut.

    18 August 2019    Cincinnati-ah a vawi khat nan ATP Masters 1000 title a la.

    03 September 2019    NITTO ATP Finals atan a tling.

    08 September 2019    A vawi khat nan Grand Slam final (US Open) a thleng.

    13 October 2019    Shanghai Masters-ah Alexander Zverev hnehin 

a champion.