Ronaldo hming a sang zel

Cristiano Ronaldo chuan a career-a goal 700 khung tling turin goal khat chiah a mamawh ta. Juventus forward hian Zirtawpni zan khan Luxembourg lakah goal a khung a, Portugal chu 3-0 in hnehna a chanpui. 

Euro 2020 qualifier-ah hian Bernardo Silva chuan goal hmahruai a khung a, Ronaldo leh Valencia winger Goncalo Guedes ten an belhchhah ve leh bawk. 

Ronaldo hian ram leh club tan goal 699 a khung ta a, inchhuanna tham a ni - ram tan goal 94 a khung tling tawh. Portugal hian zanin dar 12:15-ah Ukraine an lenchilh dawn a, hnehna an chan a, Serbia-in Lithuania an hneh zawh loh chuan Euro khel turin an tlang ang.