Dortmund-ah Emre Can a nghet

Juventus midfielder Emre Can chuan Borussia Dortmund chu a nghetin a zawm, loan hmanga a khelhna Bundesliga club tan hian kum li daih contract a ziak - a contract hi kumin July 1 aṭanga chhiar ṭan tur a ni ang.

Kum 26 mi Can hian thlasik bazar lai khan Turin club aṭangin Dortmund hi thla ruk chhung atan loan hmangin a zawm. Italian club tan Can hi a khel phak lo a, an ram Germany tan khel tura koh ni tho mah se club lama rinrawl nih a duh.German chanchinbu Bild-in a tarlan dan chuan Can-a hlawh hi a hma aiin a tlahniam dawn. Mahse, kumin nipui laiin European Championship khelh a ni dawn a, inelna lianah ram tana khel phak nih duh chuan club lamah pawh rinrawl nih a pawimawh.