ISL tan League Winners Shield

India rama league sang ber Indian Super League enkawltu Football Sports Development Limited (FSDL) chuan nimin khan League Winners Shield an tlangzarh a, hei hi league-a point hmu sang berin an dawn tur a ni. 

Shield hian pawisa fai nuai 50 a keng tel dawn bawk - ISL-a point hmu sang ber hian season thar aṭang chuan AFC Champions League an khel tawh dawn a, group stage aṭangin an khel nghal thei ang. 

Nizan khan Jamshedpur khelmualah FC Goa an lenglut a, result kan hre hman lo - Goan club hian point khat lek an hlawhchhuah pawhin table chung ber an luah dawn a, League Winners Shield dawng hmasa ber an ni dawn tihna a ni. 

Zanin dar 7:30-ah ISL inkhel pakhat a awm dawn bawk a, beisei tur nei tawh lo NorthEast United chuan table mawngphaha season khar chiang tawh Hyderabad FC chu an mikhual ang.