Ali khum tumtu Wilder-a’n Fury hneh a tum

American boxer rothap Deontay Wilder chuan a ‘idol’ Muhammad Ali khum tura Tyson Fury knockout ngei a tum thu a sawi a, WBC world heavyweight title humhim leh ngei a tum - February 22-ah an inhnek dawn. 

Boxing legend Muhammad Ali hian vawi 10 zet chu heavyweight title a kawl lai chu a zawnin a humhim a, Wilder hian match 10 zet chu a zawnin a hum tawh - a vawi 11 nan Fury lakah humhim a beisei a, Ali chu khum a duh. 

Wilder chuan, “World heavyweight champion nih a, ka idol Ali nen huang khata awm hi ka beisei ngai lo. Mahse, Fury ka knockout hunah phei chuan record chu keima ta bik a ni ang a, thil ropui tak tak ka tih belh zel dawn a ni,” tiin a vaupung a bei na hle. 

Kum 34 mi Wilder hian vawi 43 fight a hmachhawnah tlawm a la nei lo a, nikuma Fury nena an inhnehtawk kha chak zo loa ring a chhuahsan awmchhun a ni. 

Fury chuan, “Wilder knockout tura lokal ka nih avangin zan hma takah kan zo ang,” tiin a sawi ve bawk a, kum 1971-a ‘fight of the century’ tia an sawi Ali leh Joe Frazier te inhnek aia a ropui tur thu a sawi bawk. 

Kum 31 mi Fury hian vawi 29 inhnek a hmachhawn tawhah tlawm a la nei bik lo a, Wilder nena an in draw chu a result la chhiat ber ṭum a ni.