Kohli-a'n record nei ṭha zel

India-in South Africa nen Test match an khelh mekah 2-0 in hma an hruai a, Men in Blue-in captain Virat Kohli hnuaiah chanchin ṭha an nei chhunzawm zel.

India hian an muala Test match an khelh hnuhnung 11-ah series an la vek a, record thar a ni. Kohli-a captain-na hnuaia vawi 30 an chakna chiah a ni bawk. Kohli hnuaiah India hi Test match vawi 50 an khel tawh a, vawi 30 (60%) chakin inhnehtawk leh chak loh vawi 10 ve ve an nei bawk. India captain hian Australia player ropui Steve Waugh leh Ricky Ponting te chiah a tluk tawh lo.

Steve Waugh hian match 57 kaihruaiin Aurstralia hi vawi 41 chakpuiin an chak percentage chu 71.92% a ni. Ricky Ponting captain-na hnuaiah Australia hi vawi 77 an khel a, vawi 48 an chak (62.33%) thung. India leh South Africa te nen October 19-23 inkar hian Ranchi-ah third Test an khel ang.