Peterson tan WTA title pahnihna

Pathianni zan khan Rebecca Peterson chuan Healther Watson hnehin 2019 WTA Tianjin Open-ah a champion a, Sweden nula tan hian tun season chhunga WTA inelna liana nomawi chawi pahnihna a ni nghal.

Ruah sur nasa vangin final hi darkar nga chuang ngawtin a khelh hun tih khawtlai a ni, khaw chhia leh boruak inlumlet velin Peterson a ti buai lo, inkhel thunun tak chungin 6-4, 6-4 in hnehna a chang.

Kum 24 mi Peterson chuan, "Hun rei vak lo liam ta khan Jiangxi Open-ah hlawhtlinna ka chang a, tunah chuan a vawi hnih nan ka champion ta der mai. Ruah sur vangin pawna inkhel tur kha inchhungah kan insawn a ngai, kan duhthlan a nih bik loh avangin khaw awm dan kha chu kan hriatthiam a ngai," tiin a sawi.