Simone Biles a chungnung ber ta

Gymnastics huangah chuan Simone Biles chu infiammi hlawhtling ber a ni ta. American artistic gymnast hian World Championships neih laiah gold medal pahnih lak belh lehin a pumpuia medal nei hnem ber a ni.

Pathianni khan Biles hian balance beam leh floor exercise-ah te gold medal a la leh a, medal a neih zat chu 24 niin tun hma lama record lo siam tawhtu Belarusian tlangval Vitaly Scherbo (23 medal) chu a khum.

Kum 22 mi Biles chuan, "Tun hma lama ka tih tawh ṭhin aiin kumina ka chet dan hi a ṭha zawkin ka hria. Ka tan chuan eng medal mai pawh hi a hlu em em vek a, a bik takin gold medal lak theih hi chu duhthusam a ni," tiin a sawi.