Offside dan thlak hret a theih - Wenger

FIFA chief of global football development Arsene Wenger chuan Video Assistant Referee sawisel hlawhna tih nep nan offside dan thlak hret a theih thu a sawi.

VAR hmanga uluk taka en let a nih hnuah goal tura dan chhetea bawhchhia thlengin hnawl a tam ta hle. Arsenal manager hlui Wenger chuan, "VAR hman hnuah centimetre tlemtea offiside vanga goal-a pawm loh a awm. Hemi kawngah hian offside dan hi a siam rem hret theihin ka hria, hnar (nose) hi offside loa chhiar tel a ṭha," tiin a sawi.

Tuna dan ding laiah chuan defender hnuhnung ber aia attacker kut ni lo taksa a pawng hlek chuan offside a chhiar a ni a, Wenger-a rawtnaah hi chuan goal nawrtu lamin hamṭhatna an neih belh ang.French pa chal Wenger chuan, "VAR specialists an tam lo a, hma an sawn thuai ang. Hma an sawn chak theih nan referee ṭang tawh leh player anga tawnhriat nei tam te hi an inrawlh a ṭul a ni," tiin a sawi.