CYMA Cricket Tournament

Central YMA leh Cricket Association of Mizoram ṭangdun chuan March 17, 2020 aṭang hian Inter Branch YMA Cricket Tournament a buatsaih dawn. Entry fee hi 500 a ni a, March 11, 2020 thleng CYMA Office, Tuikhuahtlangah a pek theih. 

Branch pakhat aṭangin team pakhat tel theih a ni a, Joint YMA, Group YMA, Sub-Hqrs. YMA hminga chhuah theih a ni lo. Team khatah mi 11+4 an ni ang a, squad thehluh tawh a tihdanglam theih loh. 

Player-te hi an awmna Branch-ah ngei an khel tur a ni a, player chungchangah inchuh buai/inhnial buaina a awm chuan player chu CAM-a an inziahluhna address-ah a khel ang.

CYMA hian Mizoram Athletics Association nen ṭangkawpin April 14, 2020 aṭangin Athletics Meet 2020 an buatsaih dawn a, Mizoram Volleyball Association nen ṭangkawpin May 26, 2020 aṭangin Volleyball Tournament an buatsaih leh ang.