Arsenal ṭantuten thisen pe

Mizoram Arsenal Supporters' Club hmalaknain Inrinni khan Aizawl Civil Hospital Blood Bank-ah Arsenal ṭantute chuan thisen an pe.

Mizorama Arsenal ṭantute phuarkhawmtu MASC-in thisen pek runpui an huaihawtah hian mi 79 kalkhawmin chung zinga mi 50 chuan thisen hi an pe thei a, thisen pete hi mipa 44 leh hmeichhia 6 an ni.

Arsenal ṭantute hmalakna ni mah se club dang ṭantute zingah thisen pe awmin Manchester United ṭantu pahnih leh Liverpool ṭantu pakhat an tel.