Hranghlui player-te'n Zohminga thlah

Nimin khan footballer  hranghlui Zohminga Zote chu a chenna Armed Veng South Community Hall-ah vuina hun hman a ni a, hranghlui footballer ṭhahnem tak an pung khawm. 

Zohminga hi kum 64 mi niin October 15, 2019 khan NEIGRIHMS Hospital, Shillong-ah a thi. Inkhelh a thiam em avangin a hmingin Lammualah ṭhutna (Stand) hming a awm hial. Zohminga hian ngainatu leh uitu a ngah hle. 

Zohminga Zote hian Lammuala Zohminga Zote Stand an siam hi a lawm takzet a, amah pawhin thlalakpui a duh a, mahse zahthlak a ti bawk si a, "Remchangah kan la lakpui dawn a nia," tiin a fapa Zonunsanga Zote a hrilh a, thla lakpui hman ta lo mah se a chanchin erawh Mizo football chanchinah a dai tawh lo ang.