Miami-ah Formula 1 tlan dawn

Nakkum May thla hian Miami khawpui chuan Formula 1 intlansiak a thleng dawn. Thawhlehni khan F1 thuneitu leh Miami lam hian inremna an neih thu an puang.

Miami Grand Prix hi Miami Gardens-ah tlan a ni dawn a, inelna an neih hun tur hi season laihawl lai a nih dawn avangin a boruak san vanglai a ni thei ang. F1 thuneitu leh Miami lam aiawhte hian April thla khan inbiakna lo nei tawhin a hlawhtling lo, sumdawnna leh mihring chenna a nghawng dan tur ngaihtuahin an inbiakna hi a tlawlh.

Mahse, Hard Rock Stadium lamah tlankawng a awm theih dawn avangin inremna hi a awm thei. American football team Dolphins neitu Stephen Ross lam chuan tlankawng siamna sum senso hi an tum dawn a ni.