Match hmasaah Murray a chak

Andy Murray chuan European Open-a Kimmer Coppejans a hneh a, Europe-ah Britain tlangval tan tun hnai thla 16 chhunga ATP Tour-level match bika hnehna a channa hmasa ber a ni.

Thawhlehni zan inkhelah Murray hian world number 158 Coppejans hi 6-4, 7-6 (7-4) in a hneh. A match lehpekah chuan seeded pariatna Pablo Cuevas leh Hugo Dellien te inkhela chak zawk a hmachhawn leh ang.

Kum 32 mi Murray hi January thla khan a vawi hnih nan a khel bawr zai a ni a, a hnu lamah match ṭhenkhat khel ve leh tawh mah se tun hma angin a la hriam tawk lo. Grand Slam vawi thum champion tawh hian a tournament hmasa ai chuan hma a sawn. A first serve aṭangin 75% point a hmu thei a, break point vawi ruk a hmuh aṭanga pali chhawr ṭangkaiin a ball vuak pawh a na leh tawh hle.

Inkhel dangah South Korean tlangval Kwon Soon-woo chuan Richard Gasquet chu 1-6, 6-3, 6-4 in an hneh a, player langsar dang Feliciano Lopez chuan Cameron Norrie chu 7-6 (2), 6-4 in a hneh thung a ni.