Calvert-Lewin goal nen a rawn kir

Everton-in Pathianni zan khan Championship club Sheffield Wednesday an mikhaul a, 3-1 in an sawp.

Malpui hliam vanga match thum inlan tawh lo, Dominic Calvert-Lewin-a'n bul ṭanin minute 29-naah goal hmahruai a khung a, Richarlison leh Yerry Mina ten goal khat ve ve an khung belh.

Toffees tan hian academy chhuak Thierry Small leh Tyler Onyango te bench aṭangin an lut a, Small hi kum 16 leh ni 176 mi niin FA Cup khel thei naupang ber record a siam.