Mercedes leh Hamilton an chungnung

Formula 1 season thar inbuatsaihna chu Ningani zan aṭang khan Barcelona-ah neih ṭan a ni a, season hmasa lama champion Mercedes leh Lewis Hamilton te an chungnung leh nghal hle.

Enchhinna neih ni hmasa berah hian Hamilton chu a tlan chak ber a, a teammate Valtteri Bottas aiin second 0.337 in a thleng hma zawk - Mercedes driver pahnih hnungah hian Sergio Perez awmin Racing Point driver hi 0.062secs in a tlai hret.

Red Bull driver, champion thei tura beisei zinga mi Max Verstappen chu Turn 13-ah a chet fuh tawk loh avangin palinaah a thleng. Fearrari driver Sebastian Vettel chu a hriselna dinhmun a ṭhat tawk loh vangin a inhnukdawk a, a teammate Charles Leclerc chu 11-naah a awm phak hram.

Car intlansiakna sang ber hi inelna tak tak chu March thla aṭangin neih ṭan a ni dawn, a hmasa ber atan Australian Grand Prix tlan a ni ang. Vawi ruk champion tawh Hamilton a champion leh a nih chuan record nei ṭhe ber Michael Schumacher (7titles) a nih rual chiah dawn a ni.