AFC Cup-ah Bengaluru chak lo

Asia khawmualpuia club inelna sang ber dawttu AFC Cup playoff round first leg-ah Bengaluru FC an chak zo lo a, Maldivian club Maziya S&RC chu khualmualah 2-1 in an ngam lo. 

Maziya tan striker Ibrahim Mahudhee chuan minute 64-naah goal hmahruai a khung a, Bengaluru tan Nili chuan minute 71-naah penalty hmangin a sut - ani hi Barcelona player hlui a ni. 

Mahse, Maziya tan Minerva Punjab tan pawha lo khel tawh Cornelius Stewart chuan goal dang a rawn khung leh a, mualneitu team hi 2-1 in an chak. February 26 zanah second leg khelh tur a ni dawn a, mahni muala khel tur an nih avangin Bengaluru tan beisei a la bo lo.