Ni li hnuah Patrick Day a thi

Boxer Patrick Day chu Charles Conwell nen an inhnek aṭanga ni li hnuah a thi a, kum 27 chauh niin super welterweight bout an neih ṭum hian a luah hliam a tuar a ni.

Inrinni khan Day-a leh Conwell te hi an inhnek a, round 10-naah Day hian hliam a tuar. A lua hliam hian a thluak a khawih a, Nilaini khan a promoter Lou DiBella chuan a thih thu hi a tarlang. Lou DiBella chuan, "Fapa, unau pa leh mi tam tak tan ṭhian ṭha a ni. Mi ngilnei leh thinnel, mi tam tak cho phura fuihtu a ni bawk," tiin Conwell thlahna thu a sawi.

Day-a hnehtu Conwell pawhin pawi a tih thu sawiin, "Hetiang thil hi i chunga thleng turin ka duh lo, ka duh chu hnehna chan chauh kha a ni. Hun kha ko kir thei ni ila chuan siamṭhat theih ka duh ngei mai. Hetiang chhiatna hi chu tu chunga thleng tur mahin a ṭha lo," a ti.