Messi hnenah Golden Shoe hlan

Barcelona striker thiam chungchuang Lionel Messi chu European Golden Shoe a vawi ruk nan hlan a ni a, he chawimawina hi season tina Europe league-a goal khung hnem ber hnenah hlan a ni ṭhin. 

Messi hian season hmasa khan Barca tan league match 34-ah goal 36 a khung a, Paris Saint-Germain striker Kylian Mbappe aia goal thuma league goal khung tam zawk chungin chawimawina hi a dawng ta a ni. 

Argentine striker hian Golden Shoe hi a zawna kum thum a dawnna a ni a, vawi ruk dawng thei hmasa ber record a siam tel nghal bawk. Messi elpui ber Cristiano Ronaldo chuan ṭum li a dawng ve tawh. Messi hian tun season-ah erawh hliam vangin match a la khel mumal lo a, La Liga match thum a khelh tawhah goal khat chiah a la khung. 

Messi dawn kum leh goal khung zat

Kum            Match    Goal

2009-10    35        34

2011-12    37        50 

2012-13    32        46 

2016-17    34        37

2017-18    36        34 

2018-19    34        36