Muaythai instructor training nei

Muaythai Association of Mizoram buatsaiha neih, ni thum awh Instructor Training cum seminar chu nimin khan tluang taka neih zawh a ni. Mizoram district paruk  - Aizawl, Mamit, Siaha, Saitual, Serchhip leh Khawzawl aṭangin instructor 10 an tel.

Training hi Spes Gym, Dawrpuiah neih a ni a, nitin zing leh tlaiah neih niin MAM Technical Commission chairman Samuel Lalrozama Hmar leh secrerary V. Lalmuankima ten training an pe. 

MuayThai world Governing body International Federa-tion of MuayThai Associations (IFMA) hnuaia iGLA syllabus course anga seminar kalpui a ni a. Training kharna hunah president Brian Lalnunhlima kaihhruainain training chhuak te hnenah certificate hlan an ni.

Instructor training hi kum tin vawi hnih an nei ṭhin a, training chhuakte hian Mizoram hmun hrang hrangah Muaythai an zirtir zui leh dawn a ni.