Mizoin Medal pathum an la

15th Youth (Sub Junior Boys & Girls) and 56th Men & 32nd Women Junior National Weightlifting Championships neih zawh takah Mizo weighlifter pathum chuan medal an la.

Inelna hi Bodh Gaya, Bihar-ah neih mek a ni a, Jacob Vanlaltluanga chuan Youth 61kg huangah silver medal a la. Pahnihna ni tur hian Snatch-ah 113kg, clean & jerk 130kg, avaiin 243kg a chawi a ni. Jacob-a medal lakna huangah tho hian Lalhunthara chuan bronze medal a la. Hunthara hian snatch 104kg, clean & jerk 128kg - a pumpuiah 232kg a chawi thung. Junior 61kg-ah Zakhuma bawkin bronze medal a chawi chhuak bawk.