Olympic beiseitu Tiger Woods

Tiger Woods chuan golf chawlhsan mai a la tum lo. American golfer ropui hian nakkum nipui laia neih tur Olympic khelh chu a thil tum lian tak zinga pakhat a nih thu a sawi chhuak.

Kum 43 mi Woods hian a hnungzângah hliam a nei a, zai a ni tawh. A hliam bakah hian infiamna pawn lamah chanchin duhawm lo a nei zeuh zeuh a, a inkhel mumal lo rei hle. Kumin tir lam khan inelna liana a vawi 15 champion tlinna ni turin Augusta-ah a hlawhtling, a hnu lamah erawh ropui taka chet a la nei leh rih lem lo - hliam nei loa a khel thei erawh atan chanchin ṭha a ni.

A hma hun thlirin Woods chuan, "Ka ngaihdan chuan nakkum aia hun ṭha hi ka nei chuang lo ang, kum li a liam leh meuh chuan kei chu ka upa tawh dawn. American infiammi zinga inlan ve phak nih chu a harsa dawn, mahse ti thei turin beiseina ka nei," a ti.