Kudermetova lakah Svitolina a chak lo

Ningani zan khan Kremlin Cup khelh laiah seeded pakhatna Elina Svitolina chu Veronika Kudermetova hneh loin a tla nghal.

Moscow khawpuia inkhelah rin hlawh lo zawk Kudermetova hian 6-1, 2-6, 7-5 in hnehna a chang, set khatna hi minute 28 chhung lekin a la. Set hnihna hloh mah se set hnuhnung berah 2-0 in a hnufual hnuah hnehna a chang let ta zawk.

Hmeichhe tennis inelna dang Luxembourg Open lamah pawh beisei loh result kan hmu. French Open champion hlui Jelena Ostapenko chuan set a hloh zet hnuah seeded pakhatna Elise Mertens chu 4-6, 6-2, 6-2 in a hneh.