Bencic tan champion nomawi

Tennis inelna pakhat Kremlin Cup chu Pathianni zan khan a hmawr bawkna neih a ni a, seeded pathumna Belinda Bencic chuan Anastasia Pavlyuchenkova chu 3-6, 6-,1 6-1 a hnehin a champion.

A champion avangin Bencic hi season tawpa khelh tur WTA Finals atan a tling nghal. Bencic chuan, "Kan inkhelh hma aṭang khan pressure ka inpe duh lo, nuamti taka khelin hlawhtlinna ka chang," a ti. Mipa inelna lamah Andrey Rublev a champion thung.

Luxembourg Open lamah Jelena Ostapenko a che fuh ve thung. Latvian nula zinga Grand Slam title la hmasa ber hian Julia Goerges chu 6-4, 6-1 in a hneh a, 2017 September thla hnua nomawi a chawi lehna hmasa ber a ni.