Ronaldo chunga rinna nghattu a agent

Khawvela footballer ṭha bera mi tam takin an ngaih Cristiano Ronaldo agent Jorge Mendes chuan a player chuan Brazilian player ropui Pele a khum thuai a rin thu a sawi!

Juventus forward Ronaldo hian an league match hnuhnung bera 2-1 a Bologna an hnehna inkhelah goal a khung leh tawh a, a career-ah ram leh club tan goal 701 a khung tawh. 

Mendes chuan, "Ronaldo hoin Portugal-in final vawi thum an khel tawh a, vawi hnih an chak. Goal 700 khung tling thei tlemte zingah a tel a, football chanchina goal khung thei ropui ber ni turin Pele hi a lehpel thei. Chu chu Juventus nen hian a tih ngei ka ring bawk," a ti!

Pele hian Santos, New York Cosmos leh Brazil tan goal 767 a khung hman a, Mendes chuan, "Ronaldo tan Pele khum tura goal dang khung la ngai zat hi thil tam a ni lo," a ti zui. Juventus hian zanin dar 12:30-ah group B match khel turin Champions League-ah Lokomotiv Moscow an mikhual dawn a, Ronaldo chungah mit a fu leh ang.