A vawi 10 nan Marquez a chak

MotoGP world cham-pion Marc Marquez chuan a title kawl lai humhim tawh mah se a la duhtawk mai lo. Repsol Honda rider hian Japanese Grand Prix-ah hnehna a chang a, season kal laiah vawi 10 ngawt a chak tling ta.

Pathiannia Twin Ring Motegi track-a inelna neiah Marquez hian minute 42 leh second 41.492 chhungin a thleng a, he hmunah hian a vawi thum nan hnehna a chang. A hnungah hian French tlangval Fabio Quartararo leh Italian rider Andrea Dovizioso te an thleng.

Kum 26 mi Marquez chuan, "A tir aṭanga a tawp thlengin ka inthlahdah ngai lo, kei chuan inelna zawng zawng ka ngai pawimawh vek," a ti. Spanish tlangval hian season a tawp hma chu inthlahdah a tum loh thu a lo sawi tawh bawk.

Intlansiak hnuhnung zawk Thailand Grand Prix-ah hnehna chang chungin a champion chiang leh tawh, season kal laiah hian tlan hmabak pathum an la nei. October 27 hian Phillip Island-ah Australian Grand Prix an tlan leh dawn a ni.