Zuali'n half century a siam

Women's Senior One Day Trophy-ah Mizo nula PC Vansangzuali'n half century a siam a, Mizoram erawh a chakpui zo lo. Nimin inkhelah hian Mizoram hian bat hmasain run 161/9 an siam a, Jammu & Kashmir-in over 44.2-ah run 162/7 siamin target an umpha.

KSRM College Ground, Kadapa, Andhra Pradesh-a inkhelah Mizoram hi ṭhumvawrah an chak a, bat hmasak an thlang. Mizoram tan hian New Chalrang nula Zuali a che ṭha ber a, ball 91-ah run 56 a vaw chhuak. State pawn aṭanga an lak captain Sagarika Sengupta-i'n run khat chauh a siam a, Srilekha Roy (34) leh Swati Sah (23) te erawhin Mizoram dinhmun an ti 

ṭha pha thung. 

Mizoram hian over 50 khel tluan theiin run 161/9 an siam a, J&K tan chetsual theihna a ni tho. Mizoram tan Sagarika Sengupta-i'n wicket thum lain run 18 chauh a pe a, Hriati pawhin wicket thum (35/3) a la ve bawk. J&K hian wicket sarih hlohin tal buai deuh mah se Mizoram target siam a tlem avangin an chak pha ta tho a, over 44.2-ah run 162 siamin hnehna an chang.