Semifinal khel tur a chiang

NECS ADFA I Division League chu semifinal a khel tur a hriat kim. Aizawl FC Academy, Kanan FC, FC Bethlehem leh Dinthar FC te chu a sang pali zingah an awm chiang tawh a, an inhmachhawn dan tur erawh a la chiang lo thung.

Nimin khan Lammualah round 7 ni khatna khelh niin, FC Bethlehem chuan an elpui Sihphir Venghlun chu 4-1 a hnehin an dinhmun an tichiang a, chak lo Sihphir tan beiseina a thamral nghal bawk.

Kanan FC pawhin semifinal hmun tichiang turin ITI Veng club Youngstar United FC 3-2 in an hneh. ITI Veng team hian league match sarih an khelhah vawi khat chiah chak an nei a, table-ah a hnuai ber nichungin inelna an mangṭha.

Vawiin hian league round hmawr bawkna neih a nei dawn. Aizawl FC Academy leh Dinthar FC inkhel tur hi tling chiang tawh ve ve ni mah se a la pawimawh. Tuna an dinhmun ang chuan semifinal-a inhmachhawn tur an ni.

Mizoram Premier League champion hmasa ber Dinthar hian hnehna an chang a nih chuan pahnihnaah awmin semifinal-ah Kanan FC an hmachhawn ang. Dinthar hi an chak lo emaw an inhnehtawk a nih chuan semifinal-ah champion lai AFC nen tho an inhmachhawn a ngai ang.