Williamson a chawl rei dawn

Tukin zing aṭang hian NBA regular season khelh ṭan a ni a, NBA draft-a 'number one pick' Zion Williamson chuan New Orleans Pelicans tan bul a ṭan thei dawn lo - khup hliam vangin thla hnih vel a chawlh a ngaih a rinawm.

Pre season an neih tawp lamah kum 19 mi Williamson hi a inhliam a, warm-up match hnuhnung berah pawh a inlan thei lo a ni. Pelicans chuan thuchhuah siamin, "Williamson chu hlawhtling taka zai a ni, kar ruk aṭanga kar riat vel a chawlh a ngai ang," an ti.

Forward Williamson hi college player of the year atan thlan a ni a, match tinah point 22.6 nei zel anga chawhrual a ni - NBA lamah pawh player hmuhnawm leh beiseiawm zinga mi a ni. Williamson-a club New Orleans Pelicans hian tukin dar 5:30 hian Toronto Raptors an hmachhawn a, dar 8:00-ah Los Angeles Clippers leh Los Angeles Lakers te an inhmachhawn zui ve leh bawk ang.