Match 1,500 khelh niah Federer a chak

Roger Federer chuan tennis match 1,500 a khel tling ta a, mellung pawimawh a phun ni hian Peter Gojowczyk hnehin ATP Swiss Indoors-ah round hmasa a paltlang.

Thawhṭanni zan Basel-a inkhelah Federer hian minute 54 chhung lekin 6-2, 6-1 in hnehna a chang. Second round-ah chuan Radu Albot leh Dusan Lajovic te inkhela chak zawk a hmachhawn leh dawn a ni. Kum 38 mi Federer-a'n an khuaa inelnaah hian vawi kua ngawt hlawhtlinna a chang tawh a, a vawi 10 nan a hlawhtling leh a nih chuan tennis a khelh hun chhunga a nomawi 103-na tur a ni ang.

Grand Slam vawi 20 champion tawh Federer chuan, "Peter khan qualifying round hautak a paltlang a, chetsual theihna a ni tih ka hria. Mahse ka ball vuak a dikin tihsual ka nei tlem bawk," tiin harsa lutuk loa hnehna a chan thu a sawi.

Inkhel dangah wildcard hmanga inlan Alex de Minaur chuan Bolivian Hugo Dellien 6-1, 7-5 in a hneh a, Australian tlangval hian second round-ah chuan seeded pahnihna Alexander Zverev leh American player Taylor Fritz te inkhela a chak zawk a hmachhawn leh ang.