Inter Village Volleyball

23rd October, 2019

Nimin khan R. Dengṭhuama Hall-ah CK Hyundai Inter Village Tournament 2019 chu khelh ṭan a ni a, vawiin hian khelh chhunzawm a ni ang.

Mizoram Volleyball Association hnuai inelnaah hi Thawhṭanni zan khan Chanmari YMA Hall-ah khuhhawnna neih niin, mipa team 52 leh hmeichhe team 18 an inlan dawn.

CK Hyundai Inter Village Volleyball Tournament-ah hian quarterfinal aṭangin Player of the Match thlan ṭhin a ni dawn a, TATA Swatch Water Purifier (filter) an dawng ṭhin dawn a ni.