LeBron telna Lakers chak lo

Basketball inelna ngaihhlut NBA chu nimin zing aṭang khan regular season khelh ṭan a ni a, player ropui LeBron James awmna Los Angeles Lakers chu an match hmasa berah Los Angeles Clippers lakah 112-102 in an chak lo nghal.

Staples Center-a inkhelah Jemes hi court chhungah minute 36 chhung a inlan a, point 18 a neih bakah rebound vawi kua lain assist ṭum riat a nei bawk - khel chhe lo mah se hnehna chan nan a tawk zo lo. Clippers tan Kawhi Leonard a hmuhnawm, ani hian point 30 zet a nei. Luo Williams (21 points) leh Montrezl Harrell (17) te an chet ṭhat bawk avangin hnehna chan phu zawk an ni. Clippers hi Zirtawpni zing dar 8:00-ah NBA champion lai Golden State Warriors nen an inhmachhawn leh ang.