Thiem-a'n bul ṭan fuh

Vienna khawpuia tennis inelna neih Erste Bank Open-ah seeded pakhatna Dominic Thiem a che fuh nghal. Thiem hian a match hmasa berah Jo-Wilfried Tsonga chu 6-4, 7-6 (7-2) in a hneh.

Thiem a chak lai hian inkhel dangah erawh beisei loh result kan hmu. Seeded pasarihna Guido Pella chu Aljaz Bedene lakah 6-4, 6-4 in a chak lo a, Milos Raonic pawh Chung Hyeon hmaah 6-4, 7-5 in a tlawm ve bawk.

Pella leh Raonic te hi thleng sang tura beisei zinga mi an ni. Mahse, tihsual an ngah dun a, an service a ṭhat tawk loh bakah an hriam lo - set la loin inelna an mangṭha a ngaih phah ta a ni.