Chhum zin vangin inkhel 'cancel'

Nimin tlai Mizoram Premier League-ah Chawnpui FC leh Chhinga Veng FC te inkhel tura tih a ni a, chhum zing nasa vangin inkhel ṭhulh a ni. Zan lama Mizoram Police leh FC Venghnuai inkhel tur pawh khelh theih a ni lo a, October 26, Inrinniah sawn ve ve a ni.

Match commissioner Lalrawng-bawla chuan, "Chhum a zin nasat avangin khelh theih a ni lo hrim hrim. Dan ang thlapin minute 30 kan nghak a, minute 28-naah enfiah leh niin a la ngai reng. Darkar chanve dang kan la nghak reng a, inkhelh a nih theih tak loah chuan match hi cancel a ni," tiin Vanglaini a hrilh.

MPL Board chuan inkhelh hun hi puang nghalin Chawnpui leh Chhinga Veng hi Inrinni chhun dar 1:00-ah an inkhel ang a; Mizoram Police leh Venghnuai-te hi tlai dar 4:00-ah an inkhel thung ang.