Alex Morgan-i'n nau a pai

United States striker Alex Morgan chuan nau a pai thu a puang a, April 2020-ah nau hi a nei ang - 2020 Olympics-ah US hmeichhe football team an tel dawn a, Morgan-i dinhmun tur a chiang ta lo hle. 

Tokyo-a neih tur Olympics hi July-ah khelh ṭan tur a ni a, Morgan-i hi a inpeih hman ang em, tih chu zawhna awm mek a ni - a tel loh chuan US-in an tuar dawn. Kum 30 mi striker hi Hmeichhe World Cup khelh zawh taka US champion nan player pawimawh a ni a, joint top scorer niin hmeichhe football-a hming langsar ber ang hiala chhal ngam a ni. 

Ram tan match 169-a khelha goal 107 khung thei striker hian 2015 leh 2019 World Cup nomawi a chawi a, FIFPro World XI-ah 2016, 2017 leh 2019 khan a lang a, Women's Champions League nomawi chu 2017 khan Lyon nen a lo chawi tawh bawk. 

Morgan hi LA Galaxy midfielder Servando Carrasco nen an innei mek a, twitter-ah, "Carrasco chhungkaw member thar a lo thleng thuai dawn e," tiin a ziak a ni.