Champhai Open champion Rinawma
Mizoram Tennis Association hnuaia ranking tournament Champhai Open-ah Lalrinawma chuan Lalhmachhuana hnehin a champion a, tualchhung tennis thununtu a nihna
a nemnghet nawn.
Champhai khawpuia inelna neihah Mizoram number 1 Rinawma hian Hmachhuana hi 1-6, 6-1, 6-4 in a hneh, semifinal-ah player ṭha dang Innocent Lalrindika a hneh bawk a, nomawi a chawina kawngah dal zotu a tawng lo.
Ningani tlaia mipa singles final inkhel a hmuhnawm a, inhnehtawk taka an inbeih hnuah hard court hmang thiam Rinawma a vannei zawkah
a ṭang.
Mizoram number 1 hlui Ramengmawia chu hun rei tak hnuah a rawn kir. Mizoram Police zawmtu Ramenga hian semifinal thleng leh thei nghal mah se Hmachhuana hi a paltlang zo lo a, tun hma lama inkhel hmuhnawm ang tak kha a la chhawp chhuak thei rih lo a ni.
Results Kimchang
Mens
Lalrinawma (P&E) bt Lalhmachhuana (Ngopa TC) 1-6, 6-1, 6-4
Mens Doubles
Ramengmawia (Mizoram Police) bt Lalhmachhuana (Ngopa TC) 8-4
& K. Lalrinawma(P&E) & Innocent Lalrindika (Aizawl TC)
35+ Doubles
Lalthanmawia (Mamit DTA) bt T. Zonunsanga (Lunglei DTA) 8-3
& C.Lalthlamuana (Champhai DTA) & Chawngthangpuia (Lunglei DTA)
Veteran
K. Lalnunmawia (Aizawl TC) bt Major Mankhuma (Khawzawl TC) 8-2
35+ Singles
C. Lalthlamuana (Champhai DTA) bt T. Zonunsanga (Lunglei DTA) 6-1, 6-0
Junior Boys
Samuel Vanlalpekhlua (Champhai DTA) bt Lalremruata (Champhai DTA) 6-4