China-in Club World Cup a thleng dawn

FIFA Club World Cup 2021 chu China-in a thleng dawn a, he hunah hian club 24 an inel dawn - he thu puangtu FIFA  president Gianni Infantino chuan, "Hei hi Club World Cup dik tak chu a ni,"a ti. 

Football khawvela thuneitu sang ber FIFA chuan June 2021 aṭang chuan CWC-ah hian team 21 tel turin ruahmanna an siam a, tun dinhmunah hian club pasarih an tel mek. European club langsar te chuan CWC-a team 21 tel tir an nih chuan an tel loh tur thu an sawi tawh a, European Club Association (ECA) chuan March thla khan an duh lohna an lo lantir tawh bawk. 

Infantino chuan, "Football ngaina tawh phawt chuan he hun lo thleng tur hi nghakhlel takin an thlir a ni," a ti a, mahse ECA board member zinga mi Manchester United executive vice-chairman Ed Woodward ngei pawhin, "ECA club chu tumah an tel lo ang," tiin a lo sawi tawh. 

FIFA Club World Cup 2019 chu December 11 hian khelh ṭan a ni dawn a, Qatar-in an thlen tur inelnaah hian club pasarih an la inlan dawn. European club aiawhin Champions League nomawi chawitu Liverpool chu semifinal 

aṭangin an inlan ṭan dawn a, UEFA Super Cup nomawi chawi tawh club hian tun season-ah nomawi an chawi belh ngei rin a ni.