MS Dhoni career a tawp hnai

BCCI chief selector MSK Prasad chuan, “MS Dhoni kalsan a hun tawh a ni,” tiin a sawi a, India cricket legend hi ram tan a inlan tawh dawn lo niin a lang. 

Kum 38 mi Dhoni hian test cricket bik chu a chawlhsan tawh a, Bangladesh-a India-in Twenty20 series an khelh turah squad-ah telh a ni lo - captain Virat Kohli chu chawlh hahdamna hun pek a ni thung. 

MSK Prasad chuan, “Kum naupang zawkte tan chance kan siamsak tawh dawn a, World Cup zawhah khan wicketkeeper Rishabh Pant chu hun kan pe dawn tih chiang takin ka sawi tawh a ni,” a ti. Dhoni hian India tan test 90, ODI 350 leh T20 match 98 a khel a, heng format zawng zawngah hian India captain a ni hman vek. 

Kum 2007 khan World Twenty20-ah India a champion pui a, World Cup 2001 leh Champions Trophy 2013-ah a champion pui bawk. Prasad chuan, “Chawlh chungchang chu ama thutluknaa innghat a ni a, keini chuan hmachhawp kan neihte thlir chungin team kan thlang a ni,” a ti. 

Bangladesh-a tour nei tur India hian November 3-ah T20 match thum an khelh tura match hmasa ber an khel ang a, test series match thum an khel bawk ang. 

India Squad (T20 series)

Rohit Sharma (Capt), Shikhar Dhawan, KL Rahul, Sanju Samson, Shreyas Iyer, Manish Pandey, Rishabh Pant(wk), Washington Sundar, Krunal Pandya, Yuzvendra Chahal, Rahul Chahar, Deepak Chahar, Khaleel Ahmed, Shivam Dube, Shardul Thakur.