McGregor-a’n a lo kir hun tur a puang

Conor McGregor  chuan kumin kum tir lamah khan mixed martial arts a bansan thu sawi mah se January 18, 2020-ah a lo kir tur thu a puang. 

Kum 31mi fighter hian October 2018 khan UFC 229-ah Khabib Nurmagomedov a hmachhawn a, Russian fighter laka a tlawm hnu hian octagon a rap leh tawh lo. McGregor chuan, “Ka lo kir hun tur hi tihchian a ni tawh a, ka hmaa ding tur lam hi ka buaipui lo,” tiin a sawi a, UFC nen a fight neih hun turah hian an inrem tawh niin a sawi. 

Nakkum kumtirah khian Nurmagomedov leh Tony Ferguson te an inhmachhawn dawn a, McGregor chuan he inhneka chak zawk hi Moscow khawpuiah a hmachhawn tur thu a sawi bawk. McGregor chuan, “Ka hmaa fight inchhawp atan ka inpuahchah a, zu pawh ka in dawn lo a ni,” tiin theihtawp a chhuah mek thu a sawi. 

Irish fighter McGregor hian kum 2007 khan mixed martial arts-a a fight hmasa ber a hmachhawn a, interim featherweight title hlawh chhuak turin Jose Aldo chu seconds 13 chhungin a knockout. April 2016 khan MMA a chawlhsan thu a lo puang tawh a, a hnu lawkah a thupuan hi a sut leh. Kum hnih hnuah Nurmagomedov a hmachhawn a, a tlawm hnuah a inlan leh ta lo a ni.