Thiem-a'n Verdasco a hneh
Tennis inelna Vienna Open khelh laiah Dominic Thiem a che fuh chhunzawm zel a, last 16-ah tun hnaia khel ṭha tak Fernando Verdasco hnehin quarterfinal a in vaw kai.
Ningani zan inkhelah seeded pakhatna Thiem hian tun hnaia vawi li ngawt a ngam loh Verdasco hi 3-6, 6-3, 6-2 in a hneh hlauh a, world number 5 hian semifinal thleng tur chuan Pablo Carreno Busta a paltlang leh a ngai ang.
Inkhel dangah Andrey Rublev a che fuh. Kar hmasa lawka Kremlin Cup champion hian Hyeon Chung chu 6-4, 6-2 in a hneh. Rublev hian Matteo Berrettini a hmachhawn leh ang. Seeded palina Gael Monfils pawhin wildcard hmanga inlan rawlthar Jannik Sinner chu 6-3, 7-6 (10-8) in a lo hneh ve thung a ni.
Inkhel Results
Dominic Thiem bt Fernando Verdasco 3-6, 6-3, 6-2
Pablo Carreno Busta bt Mikhail Kukushkin 6-7 (3/7), 6-4, 6-1
Andrey Rublev bt Hyeon Chung 6-4, 6-2
Aljaz Bedene bt Gilles Simon 6-2, 3-6, 6-3
Diego Schwartzman bt Sam Querrey 6-7 (5/7), 6-4, 7-6