Zhuhai-ah Sabalenka a champion

Nimin khan Zhuhai-ah WTA Elite Trophy final khelh a ni a, inkhel hmuhnawm takah Aryna Sabalenka chuan Kiki Bertens hnehin a champion.

Kum 21 mi Sabalenka hian Dutch nula seeded pakhatna lakah hian 6-4, 6-2 in hnehna a chang a, kumin chhunga WTA title pathum a lakna chiah a ni - nomawi pathum hi China-ah vek hian a la. Belarus nula hian September thla khan Wuhan Open nomawi a chawi a, kumin January thla khan Shenzhen Open-ah hlawhtlinna a lo chang tawh bawk.