Josh Taylor a ropui

Scottish boxer rothap Josh Taylor chuan World Boxing Super Series final-ah Regis Prograis chu point hmangin a hneh a, IBF title a kawl sa bakah WBA super-lightweight kawnghren a hlawh belh - Muhammad Ali Trophy, WBC Diamond leh Ring Magazine belt a dawng tel bawk. 

London khawpuia inhnekah hian kum 28 mi boxer hi 114-114, 115-113, 117-112 a chak zawkah puan a ni a, vawi 16 inhnek a hmachhawn tawhah ngamtu a la tawng lo tluang zel. Taylor hian hnehna a chan zawhah a result chu thla hmasaa thi a puzawn tan a hlan a, "Zanin hian kan hnenah a awm tih ka hria a, he chakna hi a tan ka hlan a ni," tiin a sawi. 

Inhnek chungchang sawi zuiin, "Regis Prograis kha fighter ropui tak, champion rilru pu a ni a, mahse a tawpah chuan a ṭha zawk ka dingchang ta a ni," a ti a, a khingpui fak pahin a infak tel.