Osaka leh Barty te an chak

Pathianni khan WTA Finals 2019 chu group stage khelh ṭan a ni a, inkhel pahnih awm nghalin Naomi Osaka leh Ashleigh Barty te chuan an khingpui ve ve hnehin bul an ṭan fuh hle.

China chhim chhak lama khawpui pakhat Shenzhen-a inelna neihah Osaka hian Petra Kvitova chu 7-6 (7-1), 4-6, 6-4 in a hneh. Japanese nula hian hnehna chang turin darkar khat leh minute 39 zet a mamawh.

Inkhel dangah world number 1 Ashleigh Barty chuan set hmasa ber a hloh hnuin Belinda Bencic chu 5-7, 6-1, 6-2 in a hneh let. Set hnihna an khelh laiin Switzerland nula Benic hi a kerek a hliam a, enkawl ngai mah se a inkhel chhunzawm thei a ni.