Kim lo Chanmari an ṭha

Chanmari FC-in Electric Veng FC an hneh loh ṭuma hnawhchhuah forward Lalremruata zaninah an chhawr thei dawn lo a, khup hliam vangin H. Lalmuankima hman theih a ni dawn lo.

Chanmari manager Lalhma-ngaiha Sailo chuan, "Player pahnih hi an ṭha a, chu tih rualin rawlthar rual duhawm tak tak kan neih avangin an aiawh tur an awm," tiin a naute a rintawk thu a sawi.

Police ang thoin Chanmari hian player langsar an kawl hnem hle. Best goalkeeper ni lai Zothanmawia an nei a, T. Mawia hmaah MPL4 best defender Lalrinchhana Tochhawng a awm. 

Tlar hmaah MS Dawngliana awmin Bawngkawn tlangval hi MPL2 leh MPL7 best forward a nih bakah MPL hmasa ber top scorer a ni. Manager Angaiha sawi angin Chanmari hian junior inelna Khelo India leh Dr T.Ao Football-a Mizoram champion puitu player an kawl nual a, foreigner Godwin Quashiga  an neih bawk avangin kim lo chung pawhin an la ṭha hle.