Osaka tan season a tawp

Hmeichhe tennis world number 3 Naomi Osaka chu Women's Tennis Association (WTA) Finals khelh lai aṭangin a inhnukdawk a, Japanese nula hi tun season chhungin a inkhel tawh lo ang.

China rama khawpui pakhat Shenzhen-a inelna neihah Osaka hian a match hmasa berah Petra Kvitova a hneh, nimin tlai khan world number 1 Ashleigh Barty nen inhmachhawn leh tur ni mah se a dar (shoulder) hliam vangin a inlan thei lo.

Kum 22 mi Osaka chuan, "Inhnuhdawh a ngai hi a pawi ka ti takzet. WTA Finals a ni emaw, season ang pawhin ka tawp dan hi ka duh loin pawi ka ti hle. Hliam enkawl dam ka ngai a, nakkumah chuan Shenzhen-ah hian inlan leh theih ngei ka beisei," a ti.

WTA Finals-ah hian kumin chhunga hmeichhe tennis player ṭha pariat an inel a, group pahnihah ṭhen hran an ni - an inkhelh kual hnuah a sang pali ten semifinal an khel ang, kuminah hian singles bakah doubles inelna neih tel 

a ni bawk.