US hmeichhe team-in coach thar nei

30th October, 2019

World champion lai US hmeichhe team coach ni turin Vlatko Andonovski chu ruat a ni a, kum 43 mi coach hian season hnih liam ta chhung khan National Women's Soccer League club Reign FC a enkawl.

US Soccer president Carlos Cordeiro chuan, "Tun dinhmunah chuan he team leh coach tluka inhmeh hi sawi tur an awm chuang lo," tiin an coach thar chu a fak. North Macedonia-a piang Andonovski hian FC Kansas City a enkawl laiin NWSL Championship nomawi chu 2014 & 2015 khan a lo chawi tawh a, league-ah hian vawi hnih ngawt Coach of the Year-ah thlan a ni.

US forward leh FIFA Player of the Year nilai Megan Rapinoe chu Andonovski enkawlna hnuaiah Reign-ah a khel a, an inhrechiang sa khawp ang.