Fury-a'n Wilder a ngaisang lo

British boxer rothap Tyson Fury chuan WBC world heavyweight champion Deontay Wilder chu thluak nei lo leh innghahna bik tak tak nei lo a nih thu a sawi. 

Fury chuan, "Thil tam tak chu a sawi ve na a, mahse a nihna takah chuan eng mah a ni lo. Amahah hian belhchian tlak engmah a awm lo. American zingah phei chuan Wilder ai hian fans ka ngah tawh zawk," a ti!

Nikum khan boxer pahnih hi an lo inhmachhawn tawh a, an inhnehtawk. February 22-ah inhnek nawn leh tura ruahmanna kalpui mek a ni a, mipui nghahhlelh a ni. Fury chuan, "Wilder hi pa ṭawng ring satliah ve tak mai a ni a, pianpui finna nei lo a ni. Thu awmze nei lo sawi mai mai a ching hle," tiin American boxer a chhuah chhe hle. 

British boxer Fury hi WWE Crown Jewel-ah Ningani zan khian a inlan dawn a, Brau Strowman nen an in fight dawn. Saudi Arabia-a neih tur Crown Jewel hi Ningani zan dar 9:30-ah kick off neih a ni ang a, zan dar 10:30 aṭangin fight hmuh tur a awm ṭan ang - Sony Ten1-ah en theih a ni dawn a ni.