Match thum atan Ribery an hrem

Franck Ribery chu Fiorentina leh Lazio te inkhelh ṭuma assistant referee a nam avangin match thum chhung inkhel thei lo tura hrem a ni a, hei bakah hian £17,257 (Nuai 15.67) chawitir a ni bawk.

Fiorentina hian Lazio 2-1 in an hneh lo a, he inkhelah hian Ribery chu minute 74-naah thlak a ni. Inkhelh banah Ribery hi official nen an intibuai a, red card pek a nih loh nan a teammate lam chuan an lo bengdai thei hram.

Serie A thuneitu lam chuan Ribery chet dan hi 'inzah lohna' bakah 'nungchang mawi lo' a nih thu an tarlang a, hei vang hian a chungah hremna an lekkawh. Bayern Munich winger hlui hian a thil tih vanga a inchhir thu a sawi.

Italian club pahnih hi 1-1 in an inhnehtawk dawn niin a lang tawh, minute 89-naah Ciro Immobile chuan chakna goal a khung. Goal luh hma hian Lazio defender Jordan Lukaku chu winger Riccardo Sotil lakah a foul ngei niin a lang.

VAR official lamin thil thlen dan hi ennawn duh mah se referee Marco Guida chuan a thutlukna a kaltlangpui. Fiorentina chu referee chet danah an lawm lo a, khelmual sira replay enna a pan lo chu an hrethiam lo a ni.