Libya buaina chingfel turin Egypt leh Germany-in hmalak an remti

Egypt leh Germany chuan Thawhlehni khan Libya ram buaina chinfelna tura hmalak dun an remti.

Egypt president Abdel Fattah al-Sisi, foreign minister Sameh Shoukry leh Germany foreign minister Heiko Maas-te chuan Thawhlehni khan Egypt khawpui Cairo-ah inbiakna neiin, ram pahnihin inkungkaihna ṭha zawk an neih dan tur te, Libya leh Syria buaina chungchangte an sawi.

Egyptian presidency office thu­puangtu Bassam Radi chuan inbiakna an neih zawh hnu hian ram pahnih hruaitute hian Libya buaina chu chinfel a ṭul an tih thu sawiin, ramdangin inrawlh theih chin an neih ṭha an tih thu leh firfiaka chetna tihbo ṭul an ti tih a sawi a ni.

Egypt lam hian Syria buaina pawh an ngai thutak hle a, an ram inpumkhatna leh an ramchin humhalh chu a pawimawh an tihpui thu a sawi bawk. Press conference an neihnaah Sameh Shoukry chuan Egypt-in Lybia buaina chu chinfel ṭul a ti hle a, ramdang an inrawlh erawh rem an ti lo tih a sawi.

Germany foreign minister pawhin Syria hmarchhaka inkahhai puan chu ni ruk dang pawhsei a ṭul tih sawiin, ralthuam zawng zawngte chu dahṭhat an hun tawh thu a sawi ve bawk. Syria buaina chu inbiakna hmanga chinfel theih a ni tih a sawi a ni.