Fury-a'n a vaupung a ti na

British boxer Tyson Fury chuan WWE-a a match neih hmasak ber tur atan Braun Strowman a vau lawk a, kum 36 mi wrestler chu a 'finishing move' pahnih 'stiff idiot' leh 'dosser drop' hmanga a nghaisak tur thu a sawi. 

Gypsy King tia hminglem an pek Fury chuan, " ‘Dosser Drop’ hmangin ka bei phawt ang a, ‘Big Stiff Idiot’ hmangin ka tukzal ang," a ti a, American wrestler hmaah insum a tum lo. WWE khawvelah wrestler-ten an khingpui hneh nan 'finishing move' an nei ṭhin a, hming bik an nei ṭhin - Fury hian hei hi hriain 'finishing' hming a rawn insiam ve niin a lang. 

'Finishing move' zingah The Rock-a 'Rock Bottom', Stone Cold Steve Austin (Stone Cold Stunner), Brock Lesnar (F5), CM Punk (GTS - go to sleep), Roman Reigns (Superman Punch) leh Shawn Michaels (Sweet Chin Music ) te chu a lar zual an ni. 

February 2020-a Deontay Wilder nena inhnek tura sawi Fury leh Strowman te in fight-na 'Crown Jewel' hi zaninah neih a ni dawn a, Sony Ten 1 chuan live-in a pe chhuak ang. Kickoff hi zan dar 9:30-ah neih a ni ang a, zan dar 10:30 aṭangin fight tak ṭan a ni ang - fight dang a tam dawn avangin Fury leh Strowman fight hi zan rei lam a nih a rinawm.